DragKrätzje ♢ Gemein & Frei | Neschville

★ Lorelei op Kölsch ★

Ich weiß nit wat sull dat heiße
Dat ich esu leidmödig bin
Aal Zigge, aal Wunder, aal Zeiche
Die jonn mir nit us dem Sinn
Die Luff is su kühl, et weed düster
Verschloofe krüff dä Rhing
Wo kumme nur all die Müüs her
Om Birch litt Ovendsching

Do bove huh sitz e Wievje
Die lock jede Christ, jede Türk
Mit Pääle besatz is ihr Lievje
Se kämp sich die fussije Pürk

Dä Luuskamm hätt schwerjolde Zinke
Se kämp sich un sing e Leed
Un deit mit dä Jitta winke
Bis alles verzaubert weed

Dä Fischer in singem Naache
Dä hält nit Rast un nit Rauh
Hä hürt nit sing Dreiboot kraache
Hä luurt nur erop noh dä Frau
Se hätt se am Eng all bedroge
Um et Levve, zoletz woren et drei
Do kam mer sich nur noch froje
Wo bliev do die Polizei?

Do süht mer ens widder: wammer se bruch, kütt se nit, selvs bei de Preuße vür hundert üvver Johre wor dat esu. Dat is bal wie in dem Leedche: Do steiht ene Schutzmann, do steiht ene Schutzman, dä hätt d'r janzen Daach noch nix jedonn

Kölsch Lexikon
  • Birch Berg altertümlich
  • Jitta Gitarre
  • Luuskamm Läusekamm
  • Ovendsching Abendschein
  • Pürk Perücke

mehr kölsche Wörter im jroßeKölsch Lexikon

Noten